BORGARBÓKASAFNIÐ
Almenningssamgöngur
Strætóar nr. 3, 4, 12, 17 (stoppistöð: FB) stoppa í grennd við safnið. Nánari upplýsingar á straeto.is.
Hjólastæði
Fyrir utan inngang á efri hæð eru stæði fyrir 8 reiðhjól. Við inngang á neðri hæð eru stæði fyrir 8 reiðhjól.
Bílastæði og inngangur
Við erum til húsa við Gerðuberg 3-5 í Breiðholti. Tveir inngangar eru í húsinu. Gengið er inn frá torginu ofan við húsið og á neðri hæðinni sunnan megin. Bílastæði er að finna sunnan við húsið, keyrt inn frá Austurbergi og fnorðan megin fyrir framan heilsugæsluna við Hraunberg . Gott aðgengi er fyrir hreyfihamlaða á bílastæðinu neðan við húsið, beint fyrir framan innganginn. Tvöfaldar rennihurðir eru við báða innganga. Engir þröskuldar eru í byggingunni. Lyfta er í húsinu og snyrtingar er að finna á báðum hæðum.
Bókasafnið er á efri hæðinni ásamt kaffihúsinu Cocina Rodriques. Á neðri hæð er Fjölskyldumiðstöð og frístunda- og félagsstarf Reykjavíkurborgar. Á báðum hæðum er að finna sali og fundarrými.
Hvetjum öll, sem eiga þess kost, að nota vistvænar samgöngur.
Barnavagnar
Gott er að geyma barnavagna í anddyri á efri hæð hússins en einnig er velkomið að taka vagna inn á bókasafnið og önnur rými hússins.
Salerni
Á efri hæð eru tvö salerni. Bæði salernin eru ókyngreind. Á neðri hæð eru salerni merkt konum og körlum. Þrjú salerni í hvoru rými og er eitt þeirra fyrir hreyfihamlaða. Þar er einnig að finna skiptiaðstöðu fyrir ungbörn.
Nestisaðstaða
Í Gerðubergi er rekið kaffihús. Þar er ekki heimilt að koma með og snæða nesti. Velkomið er að koma með og borða nesti við borðin inni á bókasafninu.
Hljóðvist og lýsing
Almenningsbókasöfn eru oft á tíðum erilsöm en þrátt fyrir það er oft hægt að hitta á rólegar stundir og þá sérstaklega yfir miðjan daginn á virkum dögum. Hljóðvistin í húsinu er almennt ágæt. Píphljóð berst frá sjálfsafgreiðsluvélum, síminn hringir reglulega og fólk talar saman. Flúorljós og ljóskastarar í loftum. Ljósaseríur eru í gluggum yfir dimmustu mánuðina.
Leiðsöguhundar eru velkomnir á safnið
Nánari upplýsingar veitir:
Ilmur Dögg Gísladóttir, deildarstjóri
ilmur.dogg.gisladottir@reykjavik.is | 411 6170