Um þennan viðburð
Fræðslukaffi | Jurtalitun
Guðrún Bjarnadóttir hefur um árabil litað band með jurtum. Guðrún er náttúrufræðingur að mennt og hefur kennt m.a. við Landbúnaðarháskólann. Hún notar gamlar aðferðir við jurtalitun en nýtir sér nútímatækni s.s. rafmagn og góða potta. Hún byrjaði að lita með jurtum eftir að hafa rekist á heimildir um slíkar aðferðir þegar hún vann að MS ritgerð sinni um grasnytjar á Íslandi.
Á þessu handverkskaffi mun hún fræða okkur um jurtalitun í aldanna rás og fara yfir litunartímabilin í Íslandssögunni. Fjallað verður um hvaða hlutverki litunin gegndi og hvaða jurtir voru notaðar á hverjum tíma.
Guðrún Bjarnadóttir rekur Hespuhúsið sem er staðsett rétt við Selfoss. Hespuhúsið er jurtalitunarstofa og geta gestir litið við og fengið að kíkja í pottana.
Öll velkomin með handavinnuna í farteskinu.
Nánari upplýsingar veitir:
Ilmur Dögg Gísladóttir, deildarstjóri
ilmur.dogg.gisladottir@reykjavik.is | 411 6170