Myndasögusamkeppni 2017

m a n g a m a n g a

Myndasögusamkeppni Borgarbókasafnsins og Myndlistarskólans í Reykjavík, í samstarfi við Nexus

one piece banner01.png

Borgarbókasafnið stendur að venju fyrir myndasögusamkeppni fyrir fólk á aldrinum 10-20 ára í vor.

Þema keppninnar að þessu sinni er MANGA, í tilefni þess að 20 ár eru liðin frá því að myndasagan One Piece eftir hinn japanska Eiichiro Oda hóf göngu sína. Sagan um sjóræningjann upprennandi Monkey D. Luffy er enn í fullum gangi og af sölutölum að dæma er hún einfaldlega vinsælasta manga veraldar. 

Sögunum má skila á Borgarbókasafnið í Grófinni, merktum MANGA 2017. Hámarkslengd er tvö A4 blöð eða eitt A3 blað en annars er aðferðin frjáls.

Skilafrestur er til 28. apríl næstkomandi. Úrslit verða tilkynnt og verðlaun afhent þann 6. maí, ókeypismyndasögudaginn, og um leið opnar sýning á þeim sögum sem berast í keppnina í Borgarbókasafninu í Grófinni. Verðlaunin veita Myndlistarskólinn í Reykjavík og Nexus.

Nánari upplýsingar veitir Björn Unnar Valsson, bjorn.unnar.valsson [at] reykjavik.is