Café Lingua | Heimsins jól

Veröld - hús Vigdísar

Fimmtudaginn 14.12 kl. 17.00

Heimsins jól

Sannkölluð hátíðarstemning verður í Veröld þegar saman koma gestir frá öllum heimshornum og syngja jólalög frá heimahögum sínum, undir stjórn Margrétar Pálsdóttur. Henni til aðstoðar verður Múltíkúltíkórinn, fjöltyngdur sönghópur kvenna, og hljóðfæraleikararnir Ari Agnarsson (harmónikka), Ársæll Másson (gítar) og Rafael Cao Romero (slagverk) .

Gestir fá textablöð í hendur og syngja saman jólalög á ýmsum tungumálum, eins og arabísku, dönsku, ensku, frönsku, íslensku, japönsku, portúgölsku, pólsku, serbnesku, spænsku, tagalog og þýsku.

Café Lingua er gátt inn í mismunandi menningarheima og er tilvalinn vettvangur fyrir þá sem vilja efla tungumálakunnáttu sína og hafa áhuga á að spreyta sig á ýmsum tungumálum.

Markmið Cafe Lingua er að virkja þau tungumál sem hafa ratað til Íslands og hafa auðgað mannlíf og menningu. Fólk með íslensku sem annað mál fær tækifæri til þess að tjá sig á íslensku sem og að kynna móðurmál sitt fyrir öðrum.

Allir sem hafa áhuga á tungumálum og vilja leggja sitt af mörkum til tungumálalandslags Reykjavíkur eru hjartanlega velkomnir. Þátttaka ókeypis. 

Café Lingua er samstarfsverkefni Borgarbókasafnsins og Veraldar. Skráðu þig í Facebook-hópinn.

Sjá alla dagskrána hér og samstarfsaðila haustsins.

Nánari upplýsingar:

Kristín R. Vilhjálmsdóttir

kristin.r.vilhjalmsdottir [at] reykjavik.is

s: 4116122/6181420

Dagsetning viðburðar: 

Fimmtudagur, 14. desember 2017

Staðsetning viðburðar: 

Viðburður hefst: 

17:00

Viðburður endar: 

18:30