Söfnin eru opin | Athugið breyttan opnunartíma

Öll söfn Borgarbókasafnsins eru nú opin á ný. Fjöldatakmörkun miðast við 10 gesti í hverju sóttvarnarhólfi og það er grímuskylda.

Öll útlán hafa verið framlengd til 7. desember. Engar sektir reiknast á efni þangað til.

Virkir dagar:
Öll söfn opin frá kl. 12:00 - 17:00

Helgaropnun: 
Laugardagar kl. 13:00 - 16:00 - Grófin, Sólheimar, Gerðuberg og Spöngin
Sunnudagar kl. 13:00 - 16:00 - Kringlan og Árbær

Bókabíllinn keyrir samkvæmt hefðbundinni tímatöflu.


Við minnum á að gott er að panta efni fyrirfram hér á heimasíðunni eða í síma og sækja svo á þitt safn.

Hvernig panta ég og sæki efni og sæki?

Einfalt! Þú finnur bókina sem þig langar að lesa, tónlistina sem þú vilt hlusta á, tímaritið, nóturnar eða bíómyndina og tekur frá hér á heimasíðunni. Sjá leiðbeiningar hér. Við hvetjum þig til að nota rafrænu þjónustu heimasíðunnar eins og kostur er - en það er sjálfsagt að hringja í síma 411 6100 og fá aðstoð.

- Ef efnið er í hillu höfum við samband við þig í tölvupósti eða síma þegar efnið er tilbúið til afhendingar.

- Ef efnið er inni en ekki á því safni sem þú baðst um, munum við koma því á rétt safn og láta vita um leið og hægt er að sækja.

- Ef efnið sem þig langar í er ekki inni, setjum við þig á biðlista og látum vita um leið og það er aðgengilegt og tilbúið á safninu þínu.

Get ég skilað eða borgað sektir?

Öll útlán hafa verið framlengd til 7. desember. Engar sektir reiknast á efni þangað til.

Ef þú átt sektir sem þú vilt gera upp getur þú gert það hér á heimasíðunni. Þú skráir þig inn með kennitölu eða bókasafnskortanúmeri, eða í gegnum island.is, ferð í Mínar síður hér efst á síðunni og þar í Sektir, og getur þar gert upp allar sektir með greiðslukorti.

Get ég notað Rafbókasafnið?

Ef þú átt bókasafnskort í gildi getur þú skráð þig inn á rafbokasafnid.is með bókasafnskortanúmeri og PIN.

Ef þú veist ekki hvert bókasafnskortanúmerið þitt er getur þú fundið það með því að skrá þig inn hér á vefnum, opna Mínar síður og fara þar í Mínar stillingar.

Ef þú manst ekki PIN númerið þitt þá getur þú búið til nýtt. Þú byrjar á að skrá þig inn hér á vefnum með því að velja "Skrá inn með island.is", ferð svo í Mínar síður og þar í Mínar stillingar, og þá getur þú skráð nýtt PIN númer án þess að vita það gamla.

Og ef þú átt ekki ennþá bókasafnskort eða þarft að endurnýja, þá getur þú gert það hér á vefnum sömuleiðis. Þú skráir þig inn í Mínar síður með kennitölu eða bókasafnskortanúmeri, eða í gegnum island.is. Ef þú átt ekki kort eða þarft að endurnýja verður þér vísað áfram á greiðslusíðu, þar sem þú getur samþykkt skilmála og greitt árgjaldið.

Hér má finna nánari leiðbeiningar um skráningu og notkun á Rafbókasafninu.

Hikið ekki við að hafa samband í síma 411 6100  eða á Facebook Messenger.

Við erum til þjónustu reiðubúin!