Guðjón Ragnar

Information about the event

Time
20:00 - 21:30
Price
Free
Target
Adults
Literature
Talks & discussions

Kvöldganga | Hin hliðin á Reykjavík

Wednesday August 4th 2021

Guðjón Ragnar Jónasson leiðir gesti um miðbæ Reykjavíkur og bregður upp svipmyndum úr menningarheimi sem mörgum er hulinn, segir grátbroslegar sögur úr leikhúsi næturlífsins en rifjar einnig upp áfanga úr langri og strangri baráttu fyrir réttindum og sýnileika hinsegin fólks. 

Gangan hefst fyrir utan Borgarbókasafnið í Grófinni. Athugið að þessi ganga er á miðvikudegi, ekki fimmtudegi eins og vaninn er. 

Guðjón Ragnar Jónasson er íslenskufræðingur og kennari en veitir nú forstöðu símenntum Háskólans á Bifröst. Hann hefur m.a. kennt við Menntaskólann í Reykjavík, Keili og Austurbæjarskóla. Hann þýddi bókina Mennirnir með bleika þríhyrninginn sem kom út árið 2013, hefur skrifað barna- og námsbækur og gaf nú síðast út bókina Hin hliðin, hinsegin leiftur- og örsögur sem gangan byggir á. Guðjón sat lengi í stjórn Samtakanna78 og Hinsegin daga.
Þátttaka er ókeypis. Við biðjum alla vinsamlegast um að skrá sig í gönguna hér neðst á síðunni, en vísum þó engum frá.

Kvöldgöngur eru viðburðaröð sem Borgarbókasafnið, Borgarsögusafn Reykjavíkur og Listasafn Reykjavíkur standa fyrir. Göngurnar fara fram á fimmtudagskvöldum yfir sumarmánuðina, nema annað sé tekið fram. Lagt er af stað kl. 20 frá Borgarbókasafninu Grófinni, Tryggvagötu 15, í flestum tilfellum.

Viðburður á Facebook.

Nánari upplýsingar veitir: 

Guðrún Baldvinsdóttir
gudrun.baldvinsdottir@reykjavik.is | s. 661-6178

Materials