Söguhringur kvenna | Valdefling og armbönd

Ég er þess virði!

Borgarbókasafn | Menningarhús Grófinni
Sunnudaginn 7. október kl. 13.30-16.30

Komið og takið þátt með okkur í Söguhring Kvenna í valdeflandi síðdegisskemmtun. Fulltrúi Vinnumálastofnunar mun halda fyrirlestur um alla þá þjónustu sem þau bjóða upp á. Þessar þjónustur innihalda meðal annars ráðgjöf um vinnumarkað, menntun, fræðslunámskeið og atvinnuleit. Upplýsingarnar eiga að efla konur af erlendum uppruna og auka sjálfsöryggi þeirra þegar kemur að atvinnuleit eða að glíma við vandasöm málefni á vinnustað. Eftir fyrirlesturinn verður svo boðið upp á kaffi og léttar veitingar þar sem í framhaldinu verður farið í skemmtilega sköpunarvinnu.

PERLUR OG ARMBÖND
Seinni hluti dagskrárinnar er meira skapandi. Við munum búa til armbönd með skýru skilaboðum: ÉG ER ÞESS VIRÐI. Kvennafrídagurinn þann 24. október er mikilvægur dagur fyrir konur á Íslandi og í anda dagsins munum við koma skilaboðunum skýrt til skila með þessum fallegu armböndum okkar. Skilaboðin ÉG ER ÞESS VIRÐI má gera á hvaða tungumáli sem er (meðan perlur leyfa) svo hver og ein kona getur búið til armband á sínu tungumáli.

Við útvegum allt efni og þau tæki og tól sem til þarf. Eina sem þú þarft að gera er að mæta og vera með okkur!

Allar konur velkomnar, þátttaka ókeypis.

Söguhringur kvenna er samvinnuverkefni Borgarbókasafns Reykjavíkur og W.O.M.E.N., Samtaka kvenna af erlendum uppruna á Íslandi. Dagskrá haustsins 2018 er styrkt af velferðarráðuneytinu.

Dagskrá Söguhrings kvenna haustið 2018 er að finna hér.
 

Dagsetning viðburðar: 

sunnudagur, 7. október 2018

Staðsetning viðburðar: 

Viðburður hefst: 

13:30

Viðburður endar: 

16:30