Mannfræði á krakkamáli | Sýning 15.6-24.8

Mannfræði fyrir krakka - Sýning

Borgarbókasafnið | Menningarhús Gerðubergi
15. júní - 24. ágúst 2018

Á sýningunni má sjá afrakstur vinnusmiðju þar sem krakkar á aldrinum 9-12 ára unnu á skapandi hátt með fyrirbærið þjóð. Umsjónarkonur smiðjunnar lögðu fram spurningar og umræðukveikjur, krakkarnir ræddu eigin reynslu og hugmyndir og notuðu ímyndurnaraflið til að túlka þær í myndmáli og texta. 

mann2.jpg

Smiðjan er í tengslum við þróun á nýrri útgáfu í bókaröðinni Mannfræði fyrir krakka (e. Anthropology for Kids) sem áformað er að gera aðgengilega fyrir íslensk börn. Auk bókaraðarinnar samanstendur verkefnið af vinnusmiðjum og skapandi starfi sem leiðir saman sérfræðiþekkingu fullorðinna og sköpunarkraft barna og ungmenna. Aðalhöfundur bókanna og upphafsmaður verkefnisins er frumkvöðullinn og listakonan Nika Dubrovsky.  Hún er af rússnesku bergi brotin en lifir og starfar í Berlín, Þýskalandi.

Verkefnið er hugsað út frá mikilvægi þess að hvetja börn og ungt fólk til að nýta eigin sköpunarkraft, beita gagnrýnni hugsun og draga sjálfstæðar ályktanir um uppbyggingu eigin samfélags. Ekki síst eru þau hvött til að ímynda sér hið (ó)mögulega og velta fyrir sér merkingu hinna ótal þátta sem að koma saman í menningu okkar. 

mann4.jpg

Nika Dubrovsky, Ólöf Sverrisdóttir og Sara S. Öldudóttir leiddu smiðjuna.

SKOÐA Á FACEBOOK
Verkefnið er unnið í samstarfi við Borgarbókasafnið og List fyrir alla
Aðrir styrktaraðilar eru Fullveldissjóður og Goethe Institut.

Nánari upplýsingar um verkefnið á heimasíðunni www.a4kids.org

Dagsetning viðburðar: 

Föstudagur, 24. ágúst 2018

Staðsetning viðburðar: 

Viðburður hefst: 

09:00

Viðburður endar: 

18:00