Leshringur Söguhrings kvenna

Leshringur með Ós Pressunni 

Borgarbókasafnið | Menningarhús Gerðubergi
Miðvikudaginn 17. október  

Í samstarfi við Ós Pressuna er öllum konum boðið að koma og mynda leshring að frumkvæði grasrótarinnar. Hópurinn ákveður í sameiningu hvaða bækur skal lesa, hvort ákveðið þema verður, hvaða staði á að heimsækja, hvort rithöfundum bókanna verður boðið að koma í leshringinn eða hvort horft verður á kvikmyndir sem gerðar hafa verið eftir bókunum.

Þetta er opinn og óformlegur leshringur sem mun byggjast á samfélagi kvenna með það að markmiði að fagna bókum og bókmenntum.

Fjöldinn er takmarkaður við 15 konur og enn eru nokkur pláss laus. Hægt er að skrá sig með því að senda tölvupóst á eftirfarandi netfang: ospressan [at] gmail.com

Um Söguhring kvenna

Söguhringur kvenna er vettvangur fyrir konur til að hittast, kynnast og tengjast. Listræn sköpun er notuð sem tjáningarform í hringnum en einnig er boðið er upp á ýmis konar fræðslu um menninguna og samfélagið sem við búum í. Hringurinn hefur verið starfandi í 10 ár og öllum konum er velkomið að taka þátt. 

Í haust verður dagskráin einstaklega fjölbreytt, meðal annars verður boðið upp á leshring, leiklistar- og tónlistarsmiðjur. Söguhringur kvenna er samvinnuverkefni Borgarbókasafns Reykjavíkur og W.O.M.E.N., Samtaka kvenna af erlendum uppruna á Íslandi. Dagskrá haustsins 2018 er styrkt af velferðarráðuneytinu.

Söguhringur kvenna á Facebook
 

Dagskrá Söguhrings kvenna haustið 2018

Frekari upplýsingar veitir: 

Guðrún Baldvinsdóttir 
gudrun.baldvinsdottir [at] reykjavik.is
S: 411-6182

 

Dagsetning viðburðar: 

Miðvikudagur, 17. október 2018

Staðsetning viðburðar: 

Viðburður hefst: 

19:30

Viðburður endar: 

21:00