Jazz í hádeginu | Mikael og Marína - Meiri ást

Mikael og Marína

Borgarbókasafnið | Menningarhús Spönginni
Laugardaginn 9. mars kl. 13:15-14:00

Tónleikarnir verða einnig í Grófinni fimmtudaginn 7. mars kl. 12.15-13 og í Gerðubergi föstudaginn 8. mars kl. 12.15-13.

Jazzdúettinn Marína & Mikael hefur getið sér gott orð á íslenskri jazzsenu síðustu misseri og hafa þau starfað saman síðan haustið 2014. Þau gáfu út sína fyrstu plötu, Beint heim, í ágúst 2017 sem tilnefnd var til Íslensku tónlistaverðlaunanna sem plata ársins í flokknum jazz & blús. Ókeypis aðgangur.
www.MarinaAndMikael.com

Efnisskráin: Dúettinn hefur sett saman skemmtilega og vel útfærða efnisskrá þar sem heiðraðir verða lítt þekktir jazz standardar sem hafa ekki fengið nægilega ást frá fæðingu; en eiga hana svo sannarlega skilið. Með þeim mun leika bassaleikarinn Leifur Gunnarsson.

Mikael Máni Ásmundsson gítarleikari útskrifaðist frá FÍH vorið 2014 með burtfararpróf í jazzgítarleik undir handleiðslu Hilmars Jenssonar og Sigurðar Flosasonar. Í júní 2018 útskrifaðist hann svo með BA gráðu frá Conservatoríunni í Amsterdam undir handleiðslu Jesse van Ruller. Hann býr nú í Stokkhólmi en ferðast milli Íslands, Svíþjóðar og Hollands, semur, tekur upp tónlist og spilar á tónleikum.

Marína Ósk Þórólfsdóttir útskrifaðist frá Tónlistarskóla Reykjanesbæjar vorið 2011 með klassískt burtfararpróf á þverflautu og rytmískt burtfararpróf í söng. Hennar aðalkennari var Kristjana Stefánsdóttir. Marína lauk BA gráðu frá Conservatoríunni í Amsterdam í maí 2017 og stundar nú mastersnám í jazztónlist í Konunglega tónlistarháskólanum í Stokkhólmi. (www.MarinaOskMusic.com)

Jazz í hádeginu er tónleikaröð sem Borgarbókasafnið hefur staðið fyrir síðan í september 2014. Allir helstu jazztónlistarmenn á Íslandi hafa komið fram í menningarhúsum Borgarbókasafnsins ásamt Leifi Gunnarssyni kontrabassaleikara og listræns stjórnanda Jazz í hádeginu. Tónleikaröðin hefur frá upphafi fengið góðar viðtökur en helsta markmið hennar er að færa jazzinn út í hverfi borgarinnar þannig að fólk geti notið hans í sínu nærumhverfi.

Nánari upplýsingar um tónleikana veita:

Hólmfríður Ólöf Ólafsdóttir, holmfridur.olafsdottir [at] reykjavik.is, s. 868-6189 og
Leifur Gunnarsson, leifurgunnarsson [at] gmail.com, s. 868-9048

 

Dagsetning viðburðar: 

Laugardagur, 9. mars 2019

Staðsetning viðburðar: 

Viðburður hefst: 

13:15

Viðburður endar: 

14:00