Orðagull | Ritlistar- og sagnanámskeið

Sagna- og ritlistarnámskeið, Borgarbókasafnið, Reykjavík City Library

Menningarhús Spönginni
Námskeiðið er átta fimmtudaga kl. 17-18.30 og hefst 7. febrúar 2019.

Á þessu vinsæla námskeiði Ólafar Sverrisdóttur er áherslan lögð á sögur. Þátttakendur segja sögur úr eigin lífi: spinna, skálda og skrifa.

Á námskeiðinu fá þátttakendur leiðbeiningar um hvernig gæða má sögurnar lífi og litum. Ýmsar ritæfingar og aðferðir eru kenndar sem hjálpa til að gera sögurnar athyglisverðar og áheyrilegar – þannig að þær ljómi eins og gull!

Námskeiðið er átta fimmtudaga kl. 17-18:30, það hefst 7. febrúar og því lýkur 28. mars.

Allir velkomnir, byrjendur og lengra komnir!

Brot úr ummælum nemenda á fyrri Orðagulls-námskeiðum Ólafar:
"Ég vissi ekkert útí hvað ég var að fara,en var aldeilis ekki  fyrir vonbrigðum. Námskeiðið var frábært í alla staði ... Nemendurnir fengu algjörlega að njóta sín og Ólöf laðar fram það besta í hverjum og einum."

"Ég lærði heilmikið nýtt á þessu námskeiði og það kveikti hjá manni áhuga til að halda áfram."

"Einföld en skýr framsetning hjálpar vel til og svo líka frábær aðstaða Menningarhúsinu í Spönginni sem mér sýnist blómstra vel. Takk fyrir mig."

Skráning hjá Ólöfu á olof.sverrisdottir [at] reykjavik.is simi 664 7718 eða hjá starfsfólki safnsins í síma 411 6230.

 

 

 

 

 

 

 

Dagsetning viðburðar: 

Fimmtudagur, 21. febrúar 2019

Staðsetning viðburðar: 

Viðburður hefst: 

17:00

Viðburður endar: 

18:30