Café Lingua | „Táknmál-þú hefur það í hendi þér“

Borgarbókasafnið | Menningarhús Grófinni

Fimmtudaginn 7. febrúar kl. 17:00 - 18.30

Café Lingua | „Táknmál-þú hefur það í hendi þér“

Á þessari Café Lingua-dagskrá gefst tækifæri til að fá að kynnast og nota íslenska táknmálið. Margs konar misskilningur ríkir um táknmál og hér gefst m.a. upplagt tækifæri til að leiðrétta hann.
Nei, táknmál er ekki alþjóðlegt mál.
Nei, táknmál eru ekki bara teikningar í loftinu eða merkjakerfi.
Jú, táknmál eru fullgild, sjálfsprottin og náttúrleg mál sem lúta sömu lögmálum og öll önnur náttúrleg mál.

Stutt fræðsla verður um íslenska táknmálið og hvað hægt er að græða á því að kunna það og nota. Eftir það gefst tækifæri til að spreyta sig í að læra grunnatriði málsins, rifja upp það sem áður hefur verið lært, eða einfaldlega njóta þess að spjalla í þögn við aðra sem kunna málið.

Langar þig til að prófa? Allir eru hjartanlega velkomnir

Málnefnd um íslenskt táknmál skipuleggur viðburðinn.

Tengiliður Málnefndar: Hólmfríður Þóroddsdóttir, malnefnd [at] mit.is, 618 5175

Tengiliður Café Lingua Borgarbókasafnsins: Kristín R. Vilhjálmsdóttir, kristin.r.vilhjalmsdottir [at] reykjavik.is, 6181420