Café Lingua | Stefnumót tungumála

Café Lingua | Stefnumót tungumála

Fimmtudagur 31.1 kl. 18 - 19.30

Stúdentakjallarinn | Háskóli Íslands

Viltu kynnast einhverjum sem talar reiprennandi tungumálið sem þú ert að læra? Viltu deila þínu eigin móðurmáli með einhverjum sem er að reyna að ná tökum á því? Einstakt tækifæri til að kynnast nýjum menningarheimum og heimsborgurum í Reykjavík í notalegu umhverfi og æfa sig í tungumálum í leiðinni. 

Café Lingua – lifandi tungumál er samstarfsverkefni Borgarbókasafnsins og Alþjóðlegu miðstöð tungumála og menningar. Eitt af markmiðunum er að virkja þau tungumál sem hafa ratað til Íslands með fólki hvaðanæva að og auðgað mannlíf og menningu ásamt því að vekja forvitni borgarbúa á heiminum í kringum okkur. Café Lingua er gátt inn í mismunandi tungumála - og menningarheima og tilvalinn vettvangur fyrir þá sem vilja efla tungumálakunnáttu sína og hafa áhuga á að spreyta sig á hinum ýmsu tungumálum. Aðgangur er ókeypis og allir velkomnir.

Aðrir samstarfsaðilar vorið 2019: Mála- og menningardeild, námsleiðin Íslenska sem annað mál, félögin „Huldumál“ og „Linguae" við Háskóla Íslands og Íslenskuþorpið.

Starfið er hluti af innleiðingu stefnu menningar- og ferðamálasviðs Reykjavíkurborgar um fjölbreytta menningu í borginni 2017-2020 „Rætur og vængir”.

Sjá nánar um verkefnið hér eða í Facebook-hópnum Café Lingua - lifandi tungumál.

 

Dagsetning viðburðar: 

Fimmtudagur, 31. janúar 2019

Staðsetning viðburðar: 

Viðburður hefst: 

18:00

Viðburður endar: 

19:30