Café Lingua | Dagur íslenskrar tungu

Raddir íslenskunnar eru margvíslegar

Fögnum röddum íslenskunnar! 

Borgarbókasafnið | Menningarhús Grófinni
Fimmtudagur, 15. nóvember kl 17:30-19:00

Í tilefni af Degi íslenskrar tungu fögnum við íslenskunni í öllum þeim hljómbrigðum sem finna má í Reykjavík. Nemendur og kennarar í íslensku sem annað mál munu ræða um gildi tungumálsins og miðla reynslu sinni með gestum í huggulegri Café Lingua stemningu á Borgarbókasafninu í Grófinni.

Íslenska sem tungumál verður fjölbreyttari og ríkari eftir því sem fleiri tala hana. Allir eiga sama tilkall til málsins, til að nota það í ræðu jafnt sem riti, kalla það sitt og gera það að sínu. Á Café Lingua verður meðal annars rætt stöðu íslenskunnar meðal þeirra sem nota tungumálið sem annað mál. Fjallað verður um hvernig málið sé jafnrétthátt í slíkum tilfellum sem og hjá íslenskum móðurmálshöfum og að frávik þeirra sem eiga hana ekki að móðurmáli séu ekki „verri“ en frávik þeirra sem eiga hana að móðurmáli.

Við bjóðum alla velkomna, hvort sem þeir hafa íslensku að móðurmáli, að öðru máli eða fimmta, eða eru rétt að byrja að læra tungumálið. 

Café Lingua er tungumálavettvangur á vegum Borgarbókasafnsins í samstarfi við ýmsa aðila í samfélaginu. Eitt af markmiðum Café Lingua er að virkja þau tungumál sem hafa ratað til Íslands með fólki hvaðanæva að og auðgað mannlíf og menningu ásamt því að vekja forvitni borgarbúa á heiminum í kringum okkur. Café Lingua er gátt inn í mismunandi tungumála- og menningarheima og tilvalinn vettvangur fyrir þá sem vilja efla tungumálakunnáttu sína og hafa áhuga á að spreyta sig á hinum ýmsu tungumálum. Aðgangur er ókeypis og allir velkomnir.

Café Lingua - lifandi tungumál er samstarf Borgarbókasafnsins og Alþjóðlegrar miðstöðvar tungumála og menningar og við Mála- og menningardeild og námsleiðina Íslenska sem annað mál við Háskóla Íslands, Huldumál, félagið „Linguae" og Íslenskuþorpið.

Starfið er hluti af innleiðingu stefnu menningar- og ferðamálasviðs Reykjavíkurborgar um fjölbreytta menningu í borginni 2017-2020 „Rætur og vængir”.

Nánari upplýsingar veitir:

Guðrún Baldvinsdóttir 
gudrun.baldvinsdottir [at] reykjavik.is
S. 411-6182

Dagsetning viðburðar: 

Fimmtudagur, 15. nóvember 2018

Staðsetning viðburðar: 

Viðburður hefst: 

17:30

Viðburður endar: 

19:00