Þetta vilja börnin sjá! er komin til Hafnar

  • Þetta vilja börnin sjá

Til sýnis í bókasafninu í Menningarmiðstöð Hornafjarðar til 15. júlí.

Sýningin Þetta vilja börnin sjá! sem var hjá okkur í Gerðubergi er nú komin upp og er til sýnis á Höfn í Hornafirði. Við hvetjum fjölskyldur sem eru að elta sólina og eiga leið framhjá um að kíkja við á bókasafninu og skoða þessar skemmtilegu myndir sem þar er að finna!

Farandssýningin Þetta vilja börnin sjá! er komin til Hafnar í Hornafirði og verður þar til 15. júlí. Á sýningunni gefur að líta myndskreytingar 14 íslenskra myndlistarmanna við samtals 17 barnabækur sem komu út á árinu 2017, ásamt bókunum sjálfum. Myndir sýnenda eru eins fjölbreyttar og þær eru margar. Þarfir barna eru sérstaklega hafðar í huga við uppsetningu sýningarinnar, enda ljóst að viðfangsefni hennar er ætlað börnum frá byrjun.

Sýnendur:
Áslaug Jónsdóttir • Bergrún Íris Sævarsdóttir • Brian Pilkington • Böðvar Leós • Ellisif Malmo Bjarnadóttir • Freydís Kristjánsdóttir • Halla Sólveig Þorgeirsdóttir • Högni Sigurþórsson • Íris Auður Jónsdóttir • Kristín Ragna Gunnarsdóttir • Logi Jes Kristjánsson • Ragnheiður Gestsdóttir • Rán Flygenring • Sigrún Eldjárn

Sýningin er opin gestum og gangandi á opnunartíma bókasafnsins, virka daga kl. 10-16.

.