Tímarit

Í Borgarbókasafninu er fjölbreytt úrval tímarita en keypt eru vel á þriðja hundrað titla í safnið. Velflest íslensk fagtímarit er að finna í safninu og auk velvaldra erlendra tímarita. Þess utan eru fjöldinn allur af innlendum og erlendum dægurtímaritum keyptur inn en þau njóta að jafnaði mikilla vinsælda.   

Tímarit

Líkt og annan safnkost er hægt að fá tímarit send milli safna Borgarbókasafnsins.

Hægt er að fletta upp á leitir.is til að athuga hvort tiltekið tímarit sé til í Borgarbókasafninu. Ef svo er ekki er hægt að senda tillögu um að efnið verði keypt á safnið hér til hægri. Vert er að benda á landsaðgang að rafrænum gagnasöfnum og tímaritum - hvar.is sem veitir öllum sem tengjast Netinu um íslenskar netveitur aðgang að heildartexta tímaritsgreina úr um 21 þúsund tímaritum og útdráttum greina um 10 þúsund tímarita. Ríflega tvöhundruð aðilar greiða fyrir aðganginn, þar á meðal er Borgarbókasafnið.