Rætur og vængir | Ráðstefna

Ráðstefna um skapandi samstarf þvert á landamæri tungumála og menningar.

Veröld - hús Vigdísar 
24. - 25. maí 2018 

Allir eiga sína sögu hvaðan sem þeir koma. Í fjölmenningarlegu samfélagi er það sameiginlegt verkefni okkar allra að flétta saman þessar sögur og skapa nýjar. 

Menningar- og menntastofnanir í samstarfi við ýmsa aðila í samfélaginu gegna lykilhlutverki þegar kemur að því að skapa samtal í fjölbreyttu landslagi tungumála og menningar.  Frá árinu 2008 hefur Borgarbókasafnið þróað öflugt fjölmenningarstarf sem byggir á þverfaglegu samstarfi við félög, stofnanir og einstaklinga, innanlands sem utan. Fjöldi verkefna hefur orðið til á þessum árum sem einkennast öll af fjölbreyttu og skapandi starfi. 

Til að fagna þessum 10 ára áfanga og miðla reynslunni verður haldin norræn ráðstefna í Veröld – húsi Vigdísar, 24. og 25. maí 2018. Auk fjölmenningarlegra verkefna Borgarbókasafnsins og samstarfsaðila verða þrjú norræn verkefni kynnt. 

Hugmyndin

Tilgangur ráðstefnunnar er að sýna fram á hversu miklum árangri má ná með fjölbreyttu skapandi samstarfi sem nær þvert yfir samfélagið allt. Hugmyndin er einnig að varpa ljósi á hlutverk bókasafna í fjölmenningarlegu samfélagi, skapa ný tengsl og hvetja til þróunar fleiri samstarfsverkefna á þessu sviði. 

Samstarfsaðilar

Ráðstefnan er haldin í samvinnu við Norrænu ráðherranefndina, Norska menningarráðið, Vigdísarstofnun, mennta – og menningarmálaráðuneytið og íslensku UNESCO nefndina og er hluti af samnorræna verkefninu “Inkluderende kulturliv i Norden”.

Meðal þeirra sem koma fram eru Vigdís Finnbogadóttir, fyrrverandi forseti og velgjörðarsendiherra tungumála á vegum UNESCO- menningarmálastofnunar Sameinuðu þjóðanna og Eliza Reid, forsetafrú.

Við vonumst til að sjá sem allra flesta. Allir eru velkomnir!

Ráðstefnutungumál: Íslenska og enska

Ráðstefnustjóri: Eva María Jónsdóttir

Nánari upplýsingar: 

Verið velkomin á heimasíðu ráðstefnunnar: www.rootsandwings.is þar sem hægt er að skrá sig á ráðstefnuna.
Einnig er að fylgjast með viðburðinum á Facebook.

 

Dagsetning viðburðar: 

Fimmtudagur, 24. maí 2018 to Föstudagur, 25. maí 2018

Staðsetning viðburðar: 

Viðburður hefst: 

13:00

Viðburður endar: 

16:00