Myndljóð | Óskar Árni - 24.11.-30.12.

Myndljóð | Óskar Árni - sýning í Borgarbókasafninu Kringlunni

Borgarbókasafnið | Menningarhús Kringlunni
24. nóvember – 30. desember 2017

Föstudaginn 24. nóvember kl. 16 verður opnuð sýning á myndljóðum Óskars Árna Óskarssonar. Sýningin, sem opnaði upphaflega í Borgarbókasafninu Grófinni í september, er haldin í tilefni af sérstakri hátíðarútgáfu ljóðasafnsins, sem kom út fyrr á þessu ári. 

Myndljóð Óskar Árna samanstanda af titlum og táknum, nánar tiltekið bókstöfum og greinarmerkjum. Táknunum eða letureiningunum er raðað á síðuna þannig að úr verður mynd, mynd sem titillinn lýsir – og lýsir ekki. Sum ljóðin afareinföld eins og „Dagur fyrir sápukúlur“, en þar stendur ein mannvera – táknuð sem „i“ – á striki og upp frá henni þyrlast sápukúlur – táknaðar sem gráðumerki „°“ og eitt „o“ (stór sápukúla). Önnur eru flóknar smíðar sem illgerlegt er að lýsa.

Ljóðin eru samin á ritvél, nánar tiltekið Silver Reed EZ 21 ritvél. Fyrstu ljóðin birtust árið 1997 í 25. hefti tímaritsins Bjartur og frú Emilía, „sérrit án orða“, en síðan hefur bæst í safnið, meðal annars í Blýenglinum (2015). 

Sýningin stendur til desemberloka.

Nánari upplýsingar veitir:
Guðríður Sigurbjörnsdóttir
Netfang: gudridur.sigurbjornsdottir [at] reykjavik.is 
Sími: 6912946

Dagsetning viðburðar: 

Föstudagur, 24. nóvember 2017

Staðsetning viðburðar: 

Viðburður hefst: 

10:00

Viðburður endar: 

19:00