Millideildalán og millisafnalán

Hvað er til ráða ef bókin er ekki til á þínu bókasafni?

Það er alltaf hægt að finna lausn! En hún veltur á eftirfarandi:

Er þetta bók eða rafbók sem hægt er að finna á rafrænu formi?

Þá er ráð að athuga hvort hún sé til á Rafbókasafninu.

Ef þú átt skírteini í gildi hjá Borgarbókasafninu hefur þú aðgang að Rafbókasafninu. Þar er líka hægt að leggja til að bækur, sem safnið á ekki, verði keyptar inn til útláns. Það getur oft tekið mun skemmri tíma en að fá bók senda landshluta á milli eða lengra að – nánar um það hér fyrir neðan.

Ef þetta á ekki við , þá er í langflestum tilfellum hægt að fá bókina senda í

  • millideildaláni – á milli safna Borgarbókasafns, eða frá bókasöfnum Mosfellsbæjar eða Seltjarnarness
  • eða millisafnaláni – frá safni utan höfuðborgarsvæðisins

Millideildarlánin eru gjaldfrjáls en gjald er tekið fyrir millisafnalán samkvæmt gjaldskrá.

Er bókin til á öðru safni Borgarbókasafns?

Ef bókin sem þú leitar að er t.d. ekki til í Grófinni en er til í Spönginni, þá er hægur leikur að fá hana senda á milli. Þú byrjar á að skrá þig inn á Leitir.is, finnur bókina og velur „Taka frá“, velur svo þitt safn undir „Velja afhendingarstað“.

Keyrt er á milli safnanna á þriðjudögum og fimmtudögum, svo það geta liðið nokkrir dagar þar til bókin berst á þitt safn – og eitthvað lengra ef bókin er í útláni. Borgarbókasafnið tekur ekkert gjald fyrir þessa þjónustu.

Auðvitað er alltaf hægt að hringja í safnið þar sem bókin er til, eða senda tölvupóst, og biðja um að hún verði send á milli. Sjá símanúmer og netföng allra safna Borgarbókasafns. Sjá einnig leiðbeiningar fyrir frátektir á Leitir.is.

Er bókin til á Bókasafni Mosfellsbæjar eða Bókasafni Seltjarnarness?

Þessi söfn eru í samstarfi við Borgarbókasafnið, sem þýðir að ef þú átt skírteini hjá Borgarbókasafni færð þú frítt skírteini hjá þeim með sama gildistíma. Ef bókin sem þú leitar að er til hjá öðru hvoru þeirra en ekki Borgarbókasafni er hægur leikur að fá hana senda á milli, rétt eins og væri á milli safna Borgarbókasafns.

Það er hins vegar ekki hægt með frátektarbeiðni á Leitir.is, heldur þarf að hafa beint samband við safnið þar sem bókin er til og biðja um að fá hana senda á þitt safn. Sjá Bókasafn Mosfellsbæjar og Bókasafn Seltjarnarness. Ekkert gjald er tekið fyrir þessa þjónustu.

Er bókin til á öðru bókasafni á höfuðborgarsvæðinu?

Í stuttu máli kostar það ferð á viðkomandi safn.

Utan Mosfellsbæjar og Seltjarnarness eru engar reglulegar ferðir á milli Borgarbókasafns og bókasafna annarra sveitarfélaga á höfuðborgarsvæðinu. Hins vegar eru vegalengdirnar það stuttar að Borgarbókasafnið býður ekki upp á millisafnalán frá þessum söfnum með tilheyrandi kostnaði.

Er bókin til á öðru bókasafni utan höfuðborgarsvæðisins?

Ef bókin sem þú leitar að er t.d. bara til í Amtsbókasafninu á Akureyri getur þú fengið hana senda í millisafnaláni til Borgarbókasafns. Þú byrjar á að skrá þig inn á Leitir.is, finnur bókina og velur „Taka frá“ og síðan „Millisafnalán“. Athugaðu að Borgarbókasafnið tekur gjald fyrir hvert millisafnalán samkvæmt gjaldskrá.

Hér eru nánari leiðbeiningar, skref fyrir skref, frá Landskerfi bókasafna (PDF).

Er bókin hvergi til á landinu samkvæmt Leitir.is?

Ef bókin sem þú leitar að virðist hvergi vera til geturðu farið á Leitir.is og valið „Millisafnalán“ efst á síðunni. Þá færðu upp form sem þú fyllir inn eftir bestu getu og sendir. Hér þarftu ekki að byrja á að skrá þig inn á Leitir.is, en beiðnir um millisafnalán eru samt sem áður bindandi, og safnið tekur gjald fyrir hvert millisafnalán samkvæmt gjaldskrá.

Útlánstími bóka sem eru fengnar að láni úr erlendum söfnum er oftast þrjár til fjórar vikur.

Hér eru nánari leiðbeiningar, skref fyrir skref, frá Landskerfi bókasafna (PDF).

Ef þú vilt spyrja frekar út í millisafnalán getur þú haft samband við þitt safn (sjá símanúmer og netföng allra safna Borgarbókasafns) eða sent fyrirspurn á upplysingar [at] borgarbokasafn.is (subject: Millisafnal%C3%A1n) .

Ef bókin er til annarstaðar – en þér finnst að Borgarbókasafnið ætti að eiga hana til!

Þá skaltu láta okkur vita. Sendu endilega innkaupatillögu, við förum yfir allar tillögur sem berast og látum vita ef og þegar bókin (eða diskurinn eða platan eða hvað sem það nú er) verður keypt inn.