Makey Makey og Scratch fyrir 9-12 ára

Makey makey  Scratch Kóder

Makey Makey og Scratch | Tækni- og tilraunaverkstæði | Tveggja tíma námskeið

Borgarbókasafnið | Menningarhús Gerðubergi
Mánudaginn 20. mars klukkan 14.30-16.30

Annan hvern mánudag fram á vor verður boðið upp á ókeypis tækni- og tilraunaverkstæði í Gerðubergi með leiðbeinendum frá Kóder fyrir krakka á aldrinum 9-12 ára. Þess á milli er hægt að koma og prófa sig áfram í alls kyns forritun og leikjum í smátölvunni Raspberry Pi, án leiðbeinenda.

Mánudaginn 20. mars verður hægt að búa til örlitla leiki og teiknimyndir í Scratch, sem er einfalt forritunarmál, og læra um Makey Makey sem getur breytt alls kyns hlutum í stjórntæki fyrir tölvuna. Hægt er að nota banana, leir eða hvað sem manni dettur í hug til að tengja við tölvu. Ef þátttaka er mikil gæti þurft að samnýta tölvur og skiptast á. Gott er að koma með USB lykil svo hægt sé að taka verkefnin með sér heim.

Frábært tækifæri fyrir krakka að kynnast og læra um spennandi tækni og forritun og hvað sé hægt að skapa með henni.

Samtökin Kóder hafa staðið fyrir fjölbreyttum námskeiðum fyrir börn og unglinga í ýmiss konar forritun og starfa þau af mikilli hugsjón um að öll börn eigi að hafa greiðan aðgang að þeirri þekkingu sem felst í forritun - tæknikunnáttu og tæknilæsi. Borgarbókasafnið deilir þeirri hugsjón að tæknilæsi sé ákaflega mikilvægur þáttur í menntun barna og mun leitast við að styðja það á komandi misserum. 

Allir velkomnir og aðgangur ókeypis!

Nánari upplýsingar veitir:

Arna Björk Jónsdóttir
arna.bjork.jonsdottir [at] reykjavik.is 
411 6182

Dagsetning viðburðar: 

mánudagur, 20. March 2017

Staðsetning viðburðar: 

Viðburður hefst: 

14:30

Viðburður endar: 

16:30