LittleBits fyrir 9-12 ára

littleBits rafmagnskubbar, Kóder

LittleBits | Tækni- og tilraunaverkstæði

Borgarbókasafnið | Menningarhús Spönginni
Mánudaginn 10. apríl klukkan 14.30-16.30

Einn mánudag í mánuði fram á vor verður boðið upp á ókeypis tækni- og tilraunaverkstæði í Spönginni með leiðbeinendum frá Kóder fyrir krakka á aldrinum 9-12 ára. 

Mánudaginn 10. apríl verður hægt að læra um  littleBits. LittleBits eru litlir litríkir rafmagnskubbar með mismunandi virkni. Hægt er að festa þá saman og skapa eitthvað stórt eða smátt úr þeim. Frábært tækifæri fyrir krakka að kynnast, fikta og læra um spennandi tækni og hvað sé hægt að skapa með henni. 

Samtökin Kóder hafa staðið fyrir fjölbreyttum námskeiðum fyrir börn og unglinga í ýmiss konar forritun og starfa þau af mikilli hugsjón um að öll börn eigi að hafa greiðan aðgang að þeirri þekkingu sem felst í forritun - tæknikunnáttu og tæknilæsi. Borgarbókasafnið deilir þeirri hugsjón að tæknilæsi sé ákaflega mikilvægur þáttur í menntun barna og mun leitast við að styðja það á komandi misserum. 

Allir velkomnir og aðgangur ókeypis!

Nánari upplýsingar veitir:

Nanna Guðmundsdóttir, deildarbókavörður
nanna.gudmundsdottir [at] reykjavik.is 
411 6230

Dagsetning viðburðar: 

mánudagur, 10. apríl 2017

Staðsetning viðburðar: 

Viðburður hefst: 

14:30

Viðburður endar: 

16:30