LittleBits fyrir 9-12 ára

littleBits rafmagnskubbar, Kóder

LittleBits |Tækni- og tilraunaverkstæði 

Borgarbókasafnið | Menningarhús Gerðubergi
Mánudaginn 3. apríl klukkan 14.30-16.30

Annan hvern mánudag fram á vor verður boðið upp á ókeypis tækni- og tilraunaverkstæði í Gerðubergi með leiðbeinendum frá Kóder og Borgarbókasafni fyrir krakka á aldrinum 9-12 ára. Aðra daga geta krakkar komið á eigin vegum og hafa aðgang að tölvum og geta fiktað sig áfram í forritunarleikjum og æft það sem þeir hafa lært.

Mánudaginn 3. apríl munu leiðbeinendur frá Kóder og Borgarbókasafni leiða gesti í tæknifikt og uppfinningaleik með LittleBits. LittleBits eru litlir, litríkir rafmagnskubbar með mismunandi virkni. Hægt er að festa þá saman og skapa eitthvað stórt eða smátt úr þeim. 

Ef þátttaka er mikil gæti þurft að samnýta settin, vinna saman í minni hóp eða skiptast á. 

Frábært tækifæri fyrir krakka að kynnast og læra saman um spennandi tækni og hvað sé hægt að skapa með henni.

Samtökin Kóder hafa staðið fyrir fjölbreyttum námskeiðum fyrir börn og unglinga í ýmiss konar forritun og starfa þau af mikilli hugsjón um að öll börn eigi að hafa greiðan aðgang að þeirri þekkingu sem felst í forritun - tæknikunnáttu og tæknilæsi. Borgarbókasafnið deilir þeirri hugsjón að tæknilæsi sé ákaflega mikilvægur þáttur í menntun barna og hefur fest kaup á tölvum og tæknibúnaði í þeim tilgangi.   

Allir 9-12 ára krakkar velkomnir. Aðgangur ókeypis.

Nánari upplýsingar veitir:

Guðrún Baldvinsdóttir
gudrun.baldvinsdottir [at] reykjavik.is 
Tel.: 411 6182

Dagsetning viðburðar: 

mánudagur, 3. apríl 2017

Staðsetning viðburðar: 

Viðburður hefst: 

14:30

Viðburður endar: 

16:30