Leshringur Söguhrings kvenna

Leshringur fyrir allar konur 

Borgarbókasafnið | Menningarhús Gerðubergi 
Þriðja hvern miðvikudag kl 19:30-21:00 

Að frumkvæði grasrótarinnar er konum boðið að koma og mynda leshring. Hópurinn ákveður í sameiningu hvaða bækur skal lesa, hvort ákveðið þema verður, hvaða staði, ef einhverja, á að heimsækja, hvort rithöfundum bókanna verður boðið að koma í leshringinn, eða hvort horft verður á kvikmyndir sem gerðar hafa verið eftir bókunum.

Þetta er mjög opinn og óformlegur leshringur sem mun byggjast á samfélagi kvenna með það að markmiði að fagna bókum og bókmenntum.

Fjöldinn er takmarkaður við 15 konur og hópurinn er fullur sem stendur. 

Ós pressan heldur utan um hópinn: ospressan [at] gmail.com

Söguhringur kvenna
Söguhringur kvenna er vettvangur fyrir konur til að hittast, kynnast og tengjast. Listræn sköpun er notuð sem tjáningarform í hringnum en einnig er boðið er upp á ýmis konar fræðslu um menninguna og samfélagið sem við búum í. Hringurinn hefur verið starfandi í 10 ár og öllum konum er velkomið að taka þátt. 

Í haust verður dagskráin einstaklega fjölbreytt, meðal annars verður boðið upp á leshring, leiklistar- og tónlistarsmiðjur. Söguhringur kvenna er samvinnuverkefni Borgarbókasafns Reykjavíkur og W.O.M.E.N., Samtaka kvenna af erlendum uppruna á Íslandi. Dagskrá haustsins 2018 er styrkt af velferðarráðuneytinu.

Dagskrá Söguhrings kvenna haustið 2018

Söguhringur kvenna á Facebook

Frekari upplýsingar veitir: 

Guðrún Baldvinsdóttir 
gudrun.baldvinsdottir [at] reykjavik.si
S: 411-6182