Kvæðalagaæfing Iðunnar í Gerðubergi

Félagsfundur og kvæðalagaæfing Iðunnar

Borgarbókasafnið | Menningarhús Gerðubergi
Félagsfundur 9. febrúar kl. 20
Kvæðalagaæfing 7. febrúar kl. 19

Næsti félagsfundur verður haldinn föstudaginn 9. febrúar og kvæðalagaæfingin verður miðvikudaginn 7. febrúar. Að venju er fjölbreytt dagskrá á febrúarfundinum. Meðal annars mun Rósa Þorsteinsdóttir flytja erindi um Skagfirska kvæðamenn úr Segulbandasafni Iðunnar og spilar hljóðdæmi.  Þá ætlar Davíð Þór Jónsson, ljóðskáld og prestur að flytja eigin ljóð. Nokkur lög sem tengjast þorranum verða sungin í samsöng með hljóðfæraleik.

Ragnar Ingi Aðalsteinsson sér um bragfræðihornið og aðrir fastir liðir verða á sínum stöðum: litla hagyrðingamótið, litla kvæðamannamótið, samkveðskapur og Skálda. Þá verða veitingarnar einnig með þorrabrag. Athugið að kvæðalagaæfingar hefjast kl. 19:00, en félagsfundir hefjast kl. 20:00 og lýkur kl. 22:30. Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Dagsetning viðburðar: 

Þriðjudagur, 6. febrúar 2018

Staðsetning viðburðar: 

Viðburður hefst: 

19:00

Viðburður endar: 

20:00