Kóder|Kóðinn1.0 | Micro:bit | Tilraunaverkstæði

Kóder|Kóðinn 1.0| Micro:bit smiðja

Borgarbókasafnið | Menningarhús Gerðubergi
Þriðjudaginn 16. janúar kl. 14:30-16:00

Micro:bit

Þriðjudaginn 16. janúar mun leiðbeinandi frá Kóder leiða okkur inn í spennandi heim Micro:bit, þar sem við lærum að forrita Micro:bit örtölvur.
Micro:bit býður upp á fjölbreyttar leiðir til að læra grunnhugtök í forritun á auðveldan og umfram allt skemmtilegan hátt. Hægt er að forrita einfaldar skipanir á örtölvuna eins og myndir, hljóð og stafi en auk þess er hægt að búa til flóknari skipanir á Micro:bit svo að tölvan nýtist sem áttaviti eða skilaboðamóttakari svo eitthvað sé nefnt.

Kóðinn 1.0 hefur lánað safninu nokkrar Micro:bit örtölvur svo þeir sem ekki eiga Micro:bit geta fengið að fikta. Annars eru þátttakendur hvattir til að koma með sína eigin Micro:bit tölvu ef þeir eiga hana.
Þau sem vilja vita meira um Kóðan 1.0 er bent á heimasíðu kóðans en þar má meðal annars finna skemmtilegar Micro:bit áskoranir. 

Tilraunaverkstæði Borgarbókasafnsins

Síðustu misseri hefur Borgarbókasafnið lagt áherslu á að skapa vettvang sem styður við tæknilæsi barna og ungmenna. Með því að bjóða upp á aðstöðu, aðgengi og grunnkennslu gestum að kostnaðarlausu, vonumst við til að hvetja börn til að afla sér þekkingar og læra í gegnum leik og fikt.

Smiðjur safnsins er starfræktar í samstarfi við félagasamtökin Kóder og eru ætlaðar börnum á aldrinum 9-13 ára.
Smiðjurnar fara fram eftir skóla alla þriðjudaga frá 14:30 - 16:00 og eru opnar öllum.

Kóder

Kóder hafa staðið fyrir fjölbreyttum námskeiðum fyrir börn og unglinga í ýmiss konar forritun og starfa þau af mikilli hugsjón um að öll börn eigi að hafa greiðan aðgang að þeirri þekkingu sem felst í forritun - tæknikunnáttu og tæknilæsi. Borgarbókasafnið deilir þeirri hugsjón að tæknilæsi sé ákaflega mikilvægur þáttur í menntun barna og mun leitast við að styðja það á komandi misserum. Sjá nánar á http://www.koder.is/is/

Viðburðinn á facebook má sjá hér

Eins er bent á að þetta er 1. smiðjan af fjórum í Micro:bits.
Hinar 3 smiðjurnar verða 23. janúar, 30. janúar og 6. febrúar

Nánari upplýsingar veitir: 

Andri M. Kristjánsson
andri.mar.kristjansson [at] reykjavik.is
411-6187

Dagsetning viðburðar: 

Þriðjudagur, 16. janúar 2018

Staðsetning viðburðar: 

Viðburður hefst: 

14:30

Viðburður endar: 

16:00