Kóder | Tækni-og tilraunaverkstæði

Sunnudaginn 26. mars verður forritun kynnt fyrir krökkum í gegnum tónlist á tveggja tíma námskeiði. Við lærum að forrita okkar eigin tónlist eða tónlist sem við þekkjum með tónlistaforritinu Sonic Pi. Ef þátttaka er mikil gæti þurft að samnýta tölvur og skiptast á. Gott er að koma með USB lykil svo hægt sé að taka verkefnin með sér heim.

Frábært tækifæri fyrir krakka að kynnast, fikta og læra um spennandi tækni og forritun og hvað sé hægt að skapa með henni. 

Samtökin Kóder hafa staðið fyrir fjölbreyttum námskeiðum fyrir börn og unglinga í ýmiss konar forritun og starfa þau af mikilli hugsjón um að öll börn eigi að hafa greiðan aðgang að þeirri þekkingu sem felst í forritun - tæknikunnáttu og tæknilæsi. Borgarbókasafnið deilir þeirri hugsjón að tæknilæsi sé ákaflega mikilvægur þáttur í menntun barna og mun leitast við að styðja það á komandi misserum. 

Allir krakkar velkomnir og aðgangur ókeypis!

P.s minnum á að koma tímanlega!

Dagsetning viðburðar: 

sunnudagur, 26. March 2017

Staðsetning viðburðar: 

Viðburður hefst: 

13:30

Viðburður endar: 

15:30