Kóder | FabLab fjölskyldusmiðja í Tilraunaverkstæði Borgarbókasafnsins

Kóder |FABLAB fjölskyldusmiðja

Borgarbókasafnið | Menningarhús Gerðubergi
Gerðuberg 3-5
Laugardaginn 9. desember kl. 13:30-15:30

Síðustu misseri hefur Borgarbókasafnið lagt áherslu á að skapa vettvang sem styður við tæknilæsi.
Með því að bjóða upp á aðstöðu, aðgengi og grunnkennslu gestum að kostnaðarlausu, vonumst við til að hvetja börn og foreldra til að afla sér þekkingar og læra í gegnum leik og fikt.

Fjölskyldusmiðjur safnsins eru starfræktar í samstarfi við félagasamtökin Kóder og eru ætlaðar fjölskyldum á öllum aldri.
Smiðjurnar fara fram á laugardögum frá 13:30 - 15:30 og eru opnar öllum.

 

Kóder

Kóder hafa staðið fyrir fjölbreyttum námskeiðum fyrir börn og unglinga í ýmiss konar forritun og starfa þau af mikilli hugsjón um að öll börn eigi að hafa greiðan aðgang að þeirri þekkingu sem felst í forritun - tæknikunnáttu og tæknilæsi. Borgarbókasafnið deilir þeirri hugsjón að tæknilæsi sé ákaflega mikilvægur þáttur í menntun barna og mun leitast við að styðja það á komandi misserum. Sjá nánar á http://www.koder.is/is/

Laugardaginn 9. desember verður FabLab fjölskyldusmiðja Tækniverkstæðisins þar mun leiðbeinandi frá Kóder leiða okkur inn í spennandi heim FABLab smiðja. Þar sem komið er fram í desember og stutt í jólini mun leiðbeinandi frá Kóder sýna hvernig hægt er að nýta tækni og fikt til að útbúa jólaskraut. Notast verður við öll þau tæki sem Tækniverkstæðið býður upp á, þar með talið þrívíddarprentarann.

Sjá má viðburðinn á facebook hér

Nánari upplýsingar má nálgast með því að senda póst á fiktadumeira [at] borgarbokasafn.is eða hringja í síma 411-6175

Dagsetning viðburðar: 

Laugardagur, 9. desember 2017

Staðsetning viðburðar: 

Viðburður hefst: 

13:30

Viðburður endar: 

15:30