Hringrás | Leiðsögn

Hringrás

Hringrás | Leiðsögn um sýningu Ólafar Einarsdóttur

Borgarbókasafnið | Menningarhús Kringlunni
17. mars kl. 14:00

Laugardaginn 17. mars kl. 14:00 mun Ólöf Einarsdóttir vera með leiðsögn um sýningu sína Hringrás, en sýningin er hluti af Hönnunarmars. Allir velkomnir.

 

Um Ólöfu og sýninguna

Ólöf Einarsdóttir lauk námi úr Textíldeild Myndlista- og handíðaskóla Íslands 1985. Hún hefur síðan haldið einkasýningar á Íslandi og erlendis og tekið þátt í fjölda samsýninga víða um heim. Ólöf hefur einkum notað spjaldvefnað í listsköpun sinni, ofið bæði veggverk og þrívíð verk í rými. Myndefnið hefur hún gjarnan sótt til íslenskrar náttúru og er efniviðurinn þræðir s.s. hör, hrosshár, snæri og ull.

Í sýningunni Hringrás lítur Ólöf til myndheims sem handverk fortíðarinnar birtir okkur, aðallega til hins keltneska, sem helst hefur verið sýnilegur í handverkshefðum silfursmíði og tréskurðar á Íslandi. Hún tengir þessi fornu form nútímanum með því að vinna smærri myndverk og skartgripi með hinni ævafornu vefnaðaraðferð, spjaldvefnaði, og byggja á þeim formum, einkum hringforminu. 

Sýningin stendur til 15. apríl.

Nánari upplýsingar:
Guðríður Sigurbjörnsdóttir
gudridur.sigurbjornsdottir [at] reykjavik.is
s. 691 2946

Dagsetning viðburðar: 

Laugardagur, 17. mars 2018

Staðsetning viðburðar: 

Viðburður hefst: 

14:00

Viðburður endar: 

15:30