Frosin augnablik | 6.1.-15.2.

Frosin augnablik Guðrún Benedikta Elíasdóttir Borgarbókasafnið Spönginni

Guðrún Benedikta Elíasdóttir sýnir málverk

Borgarbókasafnið | Menningarhús Spönginni
6. janúar - 15. febrúar 2018

Guðrún Benedikta Elíasdóttir opnar sýningu á málverkum sínum, þar sem náttúran og náttúruöflin skipa stóran sess, ekki síst jöklarnir og átök elds og íss. 

Verkin vinnur hún með temperu eða litablöndu sem hún býr til sjálf og kallar "patine au vin", en blandan inniheldur m.a. hvítvín og egg, ösku úr Eyjafjallajökli og steinmulning sem Guðrún hefur safnað víða á Íslandi. Efni úr náttúrunni fá nýtt hlutverk á striganum, segja má að verkin séu umhvefisvæn endurvinnsla.

Biðin eftir yfirvofandi eldgosi er nálæg í verkum Guðrúnar, jöklarnir eru fyrirferðamiklir, en árið 1976 féll hún í jökulsprungu í Fláajökli og tók það hana hátt í 30 ár að safna kjarki til að fara aftur á jökul.

Nú eins og þá er Guðrún heilluð af litastpilinu og fegurðinni sem stafar af þessum magnþrungnu risum sem minnka þó allt of hratt. Einnig heilla hana vangaveltur um átök elds og íss, öskufall á fannhvíta snjóbreiðuna og afleiðingarnar af því.

Nánar um listakonuna hér.

Sýningin stendur yfir til 15. febrúar 2018, verið öll velkomin á opnun á þrettándanum kl. 14!

Nánari upplýsingar veitir:
Sigríður Stephensen
sigridur.steinunn.stephensen [at] reykjavik.is

Dagsetning viðburðar: 

Fimmtudagur, 15. febrúar 2018

Staðsetning viðburðar: 

Viðburður hefst: 

14:00

Viðburður endar: 

16:00