Fimmtán bækur tilnefndar til Barnabókaverðlauna Reykjavíkur

  • Tilnefningar til Barnabókaverðlauna Reykjavíkurborgar 2017
  • Marta Quental nemandi í Breiðholtsskóla og í Skólahljómsveit Árbæjar og Breiðholts lék á saxófón við píanóundirleik

Tilkynnt var um tilnefndar bækur við hátíðlega athöfn í Gerðubergi miðvikudaginn 1. mars þar sem nú stendur yfir sýningin; Þetta vilja börnin sjá, myndskreytingar úr íslenskum barnabókum sem komu út á árinu 2016.  Tilnefnt var í þremur flokkum, fimm bækur í hverjum; fyrir bestu frumsömdu bókina, best myndskreyttu barnabókina og bestu þýðingu á barnabók sem gefin var út á árinu 2016.

Besta myndskreytta barnabókin á árinu 2016

Hafsteinn Hafsteinsson fyrir Enginn sá hundinn – útg. Mál og menning
Linda Ólafsdóttir fyrir Íslandsbók barnanna – útg. Iðunn
María Sif Daníelsdóttir fyrir Vísnagull – útg. Tónagull
Lína Rut Wilberg fyrir Þegar næsta sól kemur – útg.  NB forlag
Halla Sólveig Þorgeirsdóttir fyrir Ævintýrið af Sölva og Oddi konungi – útg. Töfrahurð

Besta þýðing á barna- og unglingabók á árinu 2016

Harpa Magnadóttir fyrir þýðingu sína á bókinni 172 tímar á tunglinu eftir norska rithöfundinn Johan Harstad – útg. Björt.
Ingibjörg Hjartardóttir  fyrir þýðingu sína á bókinni Annað land eftir sænska rithöfundinn Håkan Lindquist – útg. Salka
Lemme Linda Saukas Olafsdóttir  fyrir þýðingu sína á Einhver Ekkineinsdóttir eftir eistnesku skáldkonuna Kåtlin Kaldmaa – útg. Bókstafur
Halla Sverrisdóttir fyrir þýðingu sína á bókinni Innan múranna eftir bandarísku skáldkonuna Nova Ren Suma – útg. Björt.
Guðni Kolbeinsson fyrir þýðingu sína á Norn eftir dansk/sænska tvíeykið Kim Fupz Aakeson og Rasmus Bregnhöi – útg. Mál og menning

Besta frumsamda barna- og unglingabókin á árinu 2016

Hildur Knútsdóttir og Þórdís Gísladóttir fyrir Dodda – Bók sannleikans! – útg. Bókabeitan
Margrét Tryggvadóttir fyrir Íslandsbók barnanna – útg. Iðunn
Þórey Mjallhvít H. Ómarsdóttir fyrir Ormhildarsögu – útg. Salka
Ragnheiður Eyjólfsdóttir fyrir Skuggasögu II - Undirheima – útg. Mál og menning
Hildur Knútsdóttir fyrir Vetrarhörkur – útg. JPV

Barnabókaverðlaun Reykjavíkur eiga sér lengsta sögu barnabókaverðlauna á landinu og er helsta markmið þeirra að vekja athygli á því sem vel er gert í bókaútgáfu fyrir yngstu lesendurna og hvetja til bóklesturs. Verðlaunin verða hefðinni samkvæmt afhent í Höfða síðasta vetrardag 19. apríl.

Smellið hér til að fá nánari upplýsingar um Barnabókaverðlaun Reykjavíkurborgar...

Nánari upplýsingar veitir:

Inga María Leifsdóttir, verkefnastjóri
Netfang: inga.maria.leifsdottir [at] reykjavik.is