Café Lingua | Stefnumót tungumála

Café lingua | Stefnumót tungumála

Stúdentakjallarinn við Háskóla Íslands
Fimmtudaginn 6. apríl kl. 18

Viltu kynnast einhverjum sem talar reiprennandi tungumálið sem þú ert að læra? Viltu deila þínu eigin móðurmáli með einhverjum sem er að reyna að ná tökum á því? Einstakt tækifæri til að kynnast nýjum menningarheimum og heimsborgurum í Reykjavík í notalegu umhverfi og æfa sig í tungumálum í leiðinni. Þessi viðburður er samstarf Borgarbókasafnsins við Stofnun Vigdísar Finnbogadóttur í erlendum tungumálum, Mála- og menningardeild og námsleiðina Íslenska sem annað mál við Háskóla Íslands, félagið „Linguae" og Íslenskuþorpið.

“Café Lingua – lifandi tungumál” er tungumálavettvangur á vegum Borgarbókasafnsins í samstarfi við ýmsa aðila í samfélaginu.  Eitt af markmiðum Café Lingua er að virkja þau tungumál sem hafa ratað til Íslands með fólki hvaðanæva að og auðgað mannlíf og menningu ásamt því að vekja forvitni borgarbúa á heiminum í kringum okkur. Café Lingua er gátt inn í mismunandi tungumála - og menningarheima og tilvalinn vettvangur fyrir þá sem vilja efla tungumálakunnáttu sína og hafa áhuga á að spreyta sig á hinum ýmsu tungumálum. Aðgangur er ókeypis og allir velkomnir.

Sjá nánar um Café Lingua - Lifandi tungumál...

Café Lingua – lifandi tungumál er á Facebook
 

Dagsetning viðburðar: 

Fimmtudagur, 6. apríl 2017

Staðsetning viðburðar: 

Viðburður hefst: 

18:00

Viðburður endar: 

19:00