Café Lingua | "Francophonie": Franska um allan heim

 

Borgarbókasafnið | Menningarhús Grófinni
Miðvikudaginn 22. mars kl. 17.00

Francophonie - franska um allan heim

Franska er opinbert tungumál í 45 löndum og er töluð í öllum heimsálfum sem annað eða erlent mál. Í tilefni Viku franskrar tungu á heimsvísu (La semaine de la francophonie) tileinkum við Café Lingua franskri tungu miðvikudaginn 22. mars kl. 17.00 í  Grófinni. Þar gefst gestum einstakt tækifæri til þess að upplifa „frönsku um allan heim“. Hægt verður að fræðast um margskonar orðtök, hreim og önnur atriði sem lita tungumálið og öðlast þannig nýja sýn á heiminum.

Á Café Lingua verður hægt að hitta frönskumælandi einstaklinga frá ýmsum heimshornum sem búsettir eru á Íslandi, miðla eigin kynnum og reynslu af frönskumælandi menningarheimum, spjalla á frönsku eins og hún er töluð um allan heim og/eða njóta fræðandi ferðalags um hinn frönskumælandi heim í góðum félagsskap.

Meðal þeirra sem kynna eru íbúar frá öllum heimsálfum. Aðrir áhugasamir gestir sem vilja miðla kynnum sínum af og tengslum við franska tungu og menningu eru hvattir til að taka þátt.

Veitingar verða í boði Alliance Française.

Dagskráin er samstarf Borgarbókasafnsins við Alliance Française og fer fram í Borgarbókasafninu í Grófinni við Tryggvagötu 15.
Allir eru velkomnir og þátttaka er ókeypis.

“Café Lingua – lifandi tungumál” er tungumálavettvangur á vegum Borgarbókasafnsins í samstarfi við ýmsa aðila í samfélaginu.  Eitt af markmiðum Café Lingua er að virkja þau tungumál sem hafa ratað til Íslands með fólki hvaðanæva að og auðgað mannlíf og menningu ásamt því að vekja forvitni borgarbúa á heiminum í kringum okkur. 

Sjá nánar um Café Lingua - Lifandi tungumál

Café Lingua – lifandi tungumál er á Facebook

Nánari upplýsingar veitir:

Kristín R. Vilhjálmsdóttir, verkefnastjóri fjölmenningar á Borgarbókasafninu

Netfang: kristin.r.vilhjalmsdottir [at] reykjavik.is

Sími: 4116122/6181420

Dagsetning viðburðar: 

Miðvikudagur, 22. March 2017

Staðsetning viðburðar: 

Viðburður hefst: 

17:00

Viðburður endar: 

18:00