Bókin heim

Borgarbókasafn Reykjavíkur býður upp á heimsendingarþjónustuna Bókin heim. Þessi þjónusta er ætluð öldruðum og öðrum, sem vegna fötlunar eiga ekki heimangengt, og hefur verið í boði allt frá 1974. Gegnum hana er hægt að fá sent heim lesefni, bækur og tímarit, eða tónlist á geisladiskum.  Þetta er persónuleg þjónusta þannig að hver lánþegi fær sinn bókavörð til að þjóna sér og fær aðstoð hans við að finna efni til að lesa eða hlusta á. Sendingarnar eru á átta vikna fresti. Best er að hafa samband við safnið í viðkomandi hverfi en einnig er hægt að hringja í síma 411 6100 eða senda tölvupóst gegnum heimasíðu safnsins.  

Þeir sem eru orðnir 67 ára fá ókeypis bókasafnskort. Bókasöfnin eru öllum opin hvort sem er til að sækja sér efni til að taka með sér heim, lesefni, tónlist eða kvikmyndir, eða bara til að setjast niður, kíkja í bækur eða blöð, spjalla við náungann eða bara gera ekki neitt. En jafnframt eru ýmis konar viðburðir í boði, upplestrar, tónlist, leshringir, bókakaffi og prjónaklúbbar svo eitthvað sé nefnt.

Viltu fá nánari upplýsingar um þessa þjónustu? Sendu okkur tölvupóst eða hringdu í síma 411 6100.