Bókakaffi | Jón Gnarr

Bókakaffi, Borgarbókasafnið Menningarhús Gerðuberg, Jón Gnarr, Jóga

Bókakaffi | Jón Gnarr

Menningarhús Gerðubergi, miðvikudag 22. nóvember kl. 20 - 22

Á bókakaffi í nóvember sækir Jón Gnarr Gerðuberg heim með Þúsund kossa í farteskinu, en svo heitir ný bók Jóns og eiginkonu hans, Jógu. Þúsund kossar er persónuleg bók með myndum úr einkasafni Jóns og Jógu. Á baksíðu segir: „Ég var ákaflega lífsglöð, ung kona. Ég var kannski líka svolítið óþolinmóð, en það er gjarnan fylgifiskur þeirrar miklu orku sem býr í gleðinni. Ég gat líka verið óttalegur njóli. Eins og mörgu ungu fólki fannst mér ég vera eilíf og ódrepandi og datt ekki í hug að nokkuð illt gæti komið fyrir mig, óttaðist ekkert og treysti öllum.“

Jón rabbar við Árna Matthíasson, blaðamann, um sjálfsævisögur og skáldævisögur, um indjána, sjóræningja og útlaga, en þrjú bindi ævisögu Jóns bera sömu nöfn. Síðasta bindi hennar, Útlaginn, sem kom út árið 2015, segir frá því þegar pönkarinn Jón Gunnar Kristinsson er sendur í skóla að Núpi í Dýrafirði, en dvölin þar reyndist Jóni afar þungbær.

Bókakaffi í Gerðubergi er hluti kaffikvölda í Gerðubergi og haldið mánaðarlega yfir vetrarmánuðina, fjórða miðvikudagskvöld í mánuði. Það er vinsæll liður í viðburðadagskrá Borgarbókasafnsins. Önnur Bókakaffikvöld á haustmisseri 2017 má kynna sér hér, en ævisagan er í brennidepli í haustdagskránni. 

Nánari upplýsingar veitir: 

Sunna Dís Másdóttir, verkefnastjóri, sunna.dis.masdottir [at] reykjavik.is, s. 411 6109 og 699 3936

Dagsetning viðburðar: 

Miðvikudagur, 22. nóvember 2017

Staðsetning viðburðar: 

Viðburður hefst: 

20:00

Viðburður endar: 

22:00